ಅಹಮದಾಬಾದ್‌: ಡೆಲ್ಲಿ ಕ್ಯಾಪಿಟಲ್ಸ್‌ ವಿರುದ್ಧ ಬೃಹತ್‌ ಮೊತ್ತವನ್ನು ಬೆನ್ನಟ್ಟಿ 7 ವಿಕೆಟ್‌ ಅಂತರದ ಗೆಲುವು ಸಾಧಿಸಿದ ಗುಜರಾತ್‌ ಟೈಟಾನ್ಸ್‌ ತಂಡ ಈ ಗೆಲುವಿನೊಂದಿಗೆ ಎರಡು ಪ್ರಮುಖ ದಾಖಲೆ ನಿರ್ಮಿಸಿತು. ಐಪಿಎಲ್‌ನಲ್ಲಿ ಮೊದಲ ಬಾರಿಗೆ ಗುಜರಾತ್‌ ತಂಡ 200+ ಮೊತ್ತವನ್ನು ಬೆನ್ನಟ್ಟಿ ಗೆದ್ದ ಸಾಧನೆಗೈದಿತು. ಗುಜರಾತ್‌ ತಂಡ ಇದಕ್ಕೂ ಮುನ್ನ 2023ರಲ್ಲಿ ಆರ್‌ಸಿಬಿ ವಿರುದ್ಧ 198 ರನ್‌ಗಳನ್ನು ಬೆನ್ನಟ್ಟಿ ಗೆದ್ದದ್ದು ದಾಖಲೆಯಾಗಿತ್ತು.
ಗುಜರಾತ್‌ ತಂಡದ ಅತ್ಯಧಿಕ ಯಶಸ್ವಿ ರನ್ ಚೇಸಿಂಗ್‌
204 ರನ್- ಡೆಲ್ಲಿ ವಿರುದ್ಧ (2025)
198 ರನ್- ಆರ್‌ಸಿಬಿ ವಿರುದ್ಧ (2023)
197 vs ರಾಜಸ್ಥಾನ್‌ ವಿರುದ್ಧ (2024)
196 vs ಹೈದರಾಬಾದ್‌ ವಿರುದ್ಧ (2022)
190 vs ಪಂಜಾಬ್‌ ವಿರುದ್ಧ (2022)
ಇದನ್ನೂ ಓದಿ IPL 2025 Points Table: ಡಬಲ್‌ ಹೆಡರ್‌ ಪಂದ್ಯದ ಬಳಿಕ ಅಂಕಪಟ್ಟಿಯಲ್ಲಿ ಮಹತ್ವದ ಬದಲಾವಣೆ
ಡೆಲ್ಲಿ ತಂಡದ ವಿರುದ್ಧ ಬೃಹತ್‌ ಮೊತ್ತವನ್ನು ಬೆನ್ನಟ್ಟಿ ಗೆದ್ದ ಮೊದಲ ತಂಡ ಎಂಬ ದಾಖಲೆಯನ್ನು ಕೂಡ ಗುಜರಾತ್‌ ತನ್ನ ಹೆಸರಿಗೆ ಸೇರಿಸಿಕೊಂಡಿದೆ. ಇದಕ್ಕೂ ಮುನ್ನ ಈ ದಾಖಲೆ ಚೆನ್ನೈ ಸೂಪರ್‌ ಕಿಂಗ್ಸ್‌ ತಂಡದ ಹೆಸರಿನಲ್ಲಿತ್ತು. ಚೆನ್ನೈ 2008ರ ಚೊಚ್ಚಲ ಆವೃತ್ತಿಯಲ್ಲಿ ಡೆಲ್ಲಿ ವಿರುದ್ಧ 188 ರನ್ ಚೇಸ್ ಮಾಡಿ ಗೆದ್ದಿತ್ತು.
ಡೆಲ್ಲಿ ವಿರುದ್ಧ ಅತಿ ಹೆಚ್ಚು ಯಶಸ್ವಿ ರನ್-ಚೇಸ್
204 – ಗುಜರಾತ್‌ ಟೈಟಾನ್ಸ್‌(2025)
188 – ಸಿಎಸ್‌ಕೆ(2008)
188 – ಎಸ್‌ಆರ್‌ಹೆಚ್(2018)
186 – ಸಿಎಸ್‌ಕೆ(2010)
185 – ರಾಜಸ್ಥಾನ್‌(2015)
ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್‌ ನಡೆಸಿದ ಡೆಲ್ಲಿ ಕ್ಯಾಪಿಟಲ್ಸ್‌ 8 ವಿಕೆಟ್‌ಗೆ 203 ರನ್ ಕಲೆಹಾಕಿತು. ಬೃಹತ್‌ ಮೊತ್ತವನ್ನು ಬೆನ್ನಟ್ಟಿದ ಗುಜರಾತ್‌ ತಂಡ ಜಾಸ್‌ ಬಟ್ಲರ್‌ ಅವರ ಅಜೇಯ 97 ರನ್ ಸಾಹಸದಿಂದ 19.2 ಓವರ್‌ಗಳಲ್ಲಿ ಕೇವಲ 3 ವಿಕೆಟ್‌ ನಷ್ಟಕ್ಕೆ 204 ರನ್ ಬಾರಿಸಿ ಗೆಲುವಿನ ನಗೆ ಬೀರಿತು.
